Австрија, Велика Британија, Холандија и Германија упатија барање до европската Унија да ги засили мерките против миграцијата.
Четирите земји тврдат дека не се почитуваат правилата за имиграција исто како и санкциите, така што се разнишува довербата на земјите домаќини во правото на слободно движење.
– Точно е дека лицата кои извршиле измама или злоупотреба на правилата за слобода на движењето, во принцип можат да бидат протерани. Но начинот на кои правилата се формулирани значи дека не може да биде истовремено забрането повторно да влезат во земјата, наведоа земјите во писмото до ЕУ.
Тие бараат за тој проблем да се расправа на состанокот на министрите за правда и внатрешни работи во јуни.