Руската полиција го уапси осомничениот за убиство на шест лица во рускиот град Белгород, соопшти руското Министерство за внатгрешни работи. Сергеј Помазун, кој вчера отвори оган во Белгород и уби шест лица е уапсен во Белгородската област, нагласи Министерството.
Тој вчера уби шест лица откако отвори оган во близина на продавница за оружје. Меѓу жртвите има и едно 14-годишно девојче.
Во 14 часот по локално време напаѓачот до местото на настанот пристигнал со возило БМВ Х5 и отворил оган врз случајните минувачи и луѓето во продавницата за оружје.
Според руските медиуми, Помазун пукал поради тоа што некој муго изгребал возилото додека се наоѓал во продавницата за оружје.
Белгород е град со 420.000 жители во јужниот дел на Русиај, на само 40 километри од границата со Украина.