„Росијскаја газета“ под наслов „Испраќаме авиони ловци“ објави дека Русија ќе има воздухопловна база во Белорусија. Рускиот министер за одбрана Сергеј Шојгу на средбата со белорускиот претседател Александар Лукашенко во Минск изјави дека Федерацијата е подготвена да изгради воздухопловна база во Белорусија со цел да се засили безбедноста на западните граници на Русија.
– Годинава Русија ќе испрати во Белорусија првите авиони ловци, а во 2015 година ќе прерасне во воздухопловен полк, посочи Шојгу без да прецизира какви авиони ќе бидат префрлени во новата руска база.