Американскиот претседател, Доналд Трамп согледувајќи ја ситуацијата низ САД каде демонстрантите се повеќе ги вандализираат спомен обележјата на историските личности, реагираше на социјалната мрежа Твитер дека оној кој се реши повторно да уништува или соборува споменици или друг вид на федерален имот, ќе се соочи со казна затвор до 10 години.
„Ја овластив Федералната Влада да го уапси секој оној што ќе вандализира или уништува споменик, статуа или друг таков Федерален имот во САД со затворска казна до 10 години, според Законот за зачувување на спомен обележјата на ветераните, или според други закони што би можеле да бидат релевантни…“, напиша Трамп.
I have authorized the Federal Government to arrest anyone who vandalizes or destroys any monument, statue or other such Federal property in the U.S. with up to 10 years in prison, per the Veteran’s Memorial Preservation Act, or such other laws that may be pertinent…..
— Donald J. Trump (@realDonaldTrump) June 23, 2020
Подоцна, тој додаде дека одлуката ќе биде спроведена веднаш и може да се користи ретроактивно за дела како уништување или веќе предизвикан вандализам.
„Исклучоци нема да има!“, им порача Трамп на демонстрантите.