САД го отфрлија денеска категорично барањето на Северна Кореја да биде призната како нуклеарна држава.
-Барањето на Северна Кореја да биде призната како држава, која поседува нуклеарно оружје, не е ниту реално, ноту прифатливо, изјави Томас Кантримен, помошник-државен секретар за прашање за неширење на оружјето за масовно уништување и меѓународна безбедност, кој ја предводи американската делегација на преговорите во Женева за разгледување на Договорот за неширење на нуклеарно оружје.
Северна Кореја побара денеска да биде призната како нуклеарна држава, отфрлувајќи го условот, кој и беше поставен од САД да се откаже од нејзината нуклеарна програма и да почне преговори.
Пјонгјанг освен тоа се закани и дека ќе ја забрза нуклеарната програма како одговоро на извештајот на Стејт департментот на САД, во кој Северна Кореја се обвинува за нарушување на човековите права.