Политичката кампања за претседателските избори во САД е во тек, а според бордот на Фејсбук, изборната кампања на Доналд Трамп на социјалната мрежа содржи премногу „насилна“ и „понижувачка“ содржина насочена кон спротивната страна.
Во објавите од изминатиот период имало нацистички симболи и навредливи пораки кон „АНТИФА“ и левите политички движења кои се прикажани во кампањата како блиски до Демократската партија.
Објавите претходно биле споделувани и од страна на официјалните Фејсбук профили на актуелниот претседател, но можеле да се пронајдат, исто така и кај неговиот заменик, Мајк Пенс.
Претходно американскиот претседател, Трамп го прогласи движењето „АНТИФА“ како терористичка организација и директна закана за американските градови, а таквата постапка беше критикувана од демократите.
Од Фејсбук велат дека тие ги отстраниле објавите поради тоа што истите биле во спротивност со политиките на компанијата.