Египетскиот суд потврди дека претседателот Хосни Мубарак треба да остане во притвор и покрај претходната одлука да се пушти на условна слобода.
Кривичниот суд во Каиро ја прифати жалбата на јавното обвинителство и наложи Мубарак да остане во притвор поради потреба на истрага за обвинение за илегално стекнато богатство.
Мубарак беше принуден да поднесе оставка по народниот бунт во почетокот на 2011 година и треба повторно да биде суден на 11-ти мај, поради тоа што бил сооучесник во убиството на демонстрантите и вмешан во корупција.
Тој е обвинет за најмалку три случаи, еден се однесува на убиство на демонстрантите на почетокот на 2011 година, а другите два се однесуваат на корупција.
Судот на 15-ти април наложи тој условно да се пушти на слобода во случајот за убиство на демонстрантите, затоа што веќе помина повеќе од две години во притвор, а конечната пресуда се уште не му е изречена.
Меѓутоа тој остана во затвор, бидејќи му е одреден притвор поради нови обвиненија за корупција.
Елена Георгиевска