Најмладиот син на НБА легендата Карим Абдул-Џабар, Адам, бил уапсен во средата поради тоа што со остар предмет пробол свој сосед во Лос Анџелес.
Жртвата била примена во болница со тешки повреди кои сепак не биле опасни по животот, јавува ТМЗ цитирајќи извори од полицијата.
Според извештајот, инцидентот се случил вечерта на 9 јуни, а синот на Џабар во нападот искористил „смртоносно оружје“. Ниту прославениот кошаркар, ниту кој било од неговото семејство досега не го коментираше случајот и апсењето на Адам.
„Осомничениот, кој е сосед на жртвата, беше уапсен без инциденти,“ велат за ТМЗ изворите од полицијата кои се вклучени во истрагата.