Кошаркарите на Анадолу Ефес и на Каха Лаборал се изборија за продолжување на четвртфиналната серија во Евролигата по синоќешните победи над своите противници.
Анадолу Ефес во Истанбул го совлада Олимпијакос со 83:72 и ја намали предноста на европскиот првак на 1:2 во победи. Македонскиот репрезентативец Перо Антиќ, за 16 минути игра во поразената екипа реализира пет поени и три скокови.
До првата победа во дуелите со ЦСКА Москва стигна и Каха Лаборал која пред својата публика славеше убедлива победа со 93:72.
Четвртите дуели меѓу овие тимови на програмата се утре, повторно во Истанбул и во Виторија.
Евентуалните мајсторки ќе се играат на теренот на Олимпијакос и ЦСКА Москва.
Вечерва е натпреварот број 4 од четвртфиналната пресметка Панатинаикос – Барселона. Грчкиот тим води со 2:1 во победи и со триумф вечерва ќе обезбеди учество на „Фајнл фор“.
Во вторникот Реал со победата во Тел Авив над Макаби со 57:69 стигна до третиот триумф, а со тоа стана и првата екипа која обезбеди учество на завршниот турнир во Лондон.