Дигитална видео промоција на е-книгата со драмски текстови на авторката Миа Николоска ќе се одржи од денеска до 20 мај, во издание на Македонскиот центар на ИТИ/ПРОДУКЦИЈА.
– Миа Николоска има 19 години, таа е студент на Одделот за драматургија, драмско пишување и сценаристика на ФДУ Скопје. Миа развива своевидна Драматургија на мирис и одор – драматика на миризливото и смрдливото. Таа поседува извонреден талент и луцидност за создавање контекстуални нови термини, кованици и неологизми – додадена вредност кај драмските автори. (вели уредичката и промотер д-р Иванка Апостолова Баскар), наведуваат во соопштението.
Македонскиот центар на ИТИ/ПРОДУКЦИЈА, како што појасни, го поддржува и истакнува развојот и уметноста на современата домашна женска драматургија и драматика; со меѓународна дигитална промоција и дистрибуција, а ги поддржува и авторките и авторите на современата домашна младинска и возрасна драмска уметност.
Покровител на настанот е Министерството за култура, концепт и сценариото е на Иванка Апостолова Баскар, видео камера: Миа Николоска (авторка).