Универзитетот во Тетово во наредните три дена за матурантите ќе организира отворени денови на интернет поради состојбата со коронавирусот. Од 13 до 15 мај во периодот од 12 до 15 часот заинтересираните ќе можат преку интернет-страницата на Универзитетот да се комуницираат со професорите и административниот кадар. На нивните прашања ќе биде одговорено во истото време.
– Потребно е да се отвори веб-страницата на универзитетот: www.unite.edu.mk. Се избира факултетот на кој сака матурантот да студира. Треба да се кликне/притисне на опцијата: Комуницирајте со персоналот. Кога ќе се отвори апликацијата, се кликнува/притиска на: Побарајте да се придружите – ја објаснуваат процедурата од Универзитетот.
Поврзувањето од лаптоп или компјутер може да се направи без е-пошта, додека од мобилен телефон е потребно да се инсталира апликацијата MEET.
-Во презентацијата на факултетите преку интернет може да се комуницира и тонски за специфични прашања во врска со студиите (микрофонот се вклучува само кога треба да се разговара), со пишување во чет-от. Можете да посетат повеќе факултети во текот на следниот ден или денови, објаснуваат од Универзитетот.
Универзитетот нуди 50 студиски програми на 13 факултети со околу четири илјади слободни места.