„Роксан“ (Roxane) е преубава јахта од Турција со двоeн 610 ХП Сканиа погон. Оваа фантастична јахта, долга 46,8 метри произведена е во Тулза, во Турција, од страна на реномираниот произведувач „Су Марин“.
Трупот, што оддава силен впечаток на компактност, изработен е од четири слоја – махагони фурнир, залепен со епоксидна смола, со преубав завршен допир во вид на обвивка од Е-стакло.
Благодарение на таквиот квалитет на изработка, „Роксан“ е исклучително лесна и поседува огромен простор на палубата – доволно голема за сончање и опуштање и на крајот има две кабини, како и дополнителен простор за сончање со полукружно наредени лежалки кој може да прими и до 50 гости.
Ентериерот е дело на познатиот француски дизајнер Реми Тешиер, а се заснова на неупадливи нијанси со неутрални бои, црна, бела и сива кои создаваат топла атмосфера.
Пријатниот амбиент на главниот салон е надополнет со заоблен плафон во комбинација со голема количина природна светлина која продира низ масивните прозорци.
„Роксан“ може да прими до девет гости, а содржи и ВИП кабина со одвоен влез.
Оваа луксузна јахта може да се пофали и со својот погон – ја придвижуваат два 610 ХП Сканиа мотори кои и овозможуваат крстаречка брзина од
11 чворови со максимална брзина од 13 чворови.
