„Ние како пратеници уредно и согласно Уставот, согласно деловникот на Собранието и изборниот законик , ја поднесовме иницијативата за свикување седница на Собранието. Сега претседателот на Собранието е на потег истата седница да ја закаже“, одговори пратеничката на СДСМ, Јагода Шахпаска, на новинарско прашање.
„Имено ставот на пратениците којшто се потпишани на иницијативата што вчера беше уредно поднесена во собраниската архива е дека Собранието треба да се стави во функција.
Потребата за свикување на Собранието произлегува од времетраењето на здравствената криза, а истовремено и за потврдување на одлуките од страна на Претседателот на државата за прогласување на вонредна состојба“, кажа Шахпаска.