Зелената партија ДОМ бара Шумската полиција и ЈП Национални шуми да ги интензивираат сите активности за спречување на нелегалната сеча на шумите.
ДОМ апелира МВР да обезбеди асистенција при откривање на дрвокрадците, а надлежните правосудни институции нивно ефикасно санкционирање.
„Загрижуваат објавените информации за зголемена нелегална сеча на Плачковица, дури и за време на полициски час. Додека целото општество е посветено на справување со корона кризата, дрвокрадците продолжуваат да ги пустошат шумите. Истражувањата покажуваат дека финансиската штета поради нелегалната сеча во Македонија изнесува околу 10 милиони евра годишно. Но, штетите по животната средина, климата и здравјето на луѓето се непроценливи“, се вели во соопштението на ДОМ.