Победата број 1 во четвртфиналните пресметки од кошаркарската Евролига им припадна на домашните екипи.
Откако во вторникот Барселона го совлада Панатинаикос, тоа синоќа го направија и ЦСКА Москва, Олимпијакос и Реал Мадрид кои беа поуспешни од своите противници.
Постигнати резултати на првите натпревари во четвртфиналната фаза од Евролигата: Барселона – Панатинаикос 72:70, ЦСКА Москва – Каха Лаборал 89:78, Олимпијакос – Анадолу Ефес 67:62 и Реал Мадрид – Макаби 79:53.
И вторите средби во серијата подобар од пет се играат на теренот на екипите победници во првите дуели, а потоа противникот е домаќин на третата и евентуално четвртата средба.
Вечерва играат Барселона – Панатинаикос, а утре се другите три натпревари.
За пласман на завршниот „Фајнл фор“ турнир потребни се три победи.