Пејпл ќе дојде и во Македонија многу скоро, најави денеска заменик-министерката за информатичко општество и администрација, Марта Арсовска Томовска.
Според неа Македонија е мал пазар и постои можност да се покрие преку Србија која наскоро влегува во Пејпал системот за онлајн купување.
– Последниве две години сме во директни комуникации со Пејпл и се чека само момент. Континуирано е информацијата дека треба да донесат одлука за влегување во регионот. Имаме информации дека ќе влезат во Србија наскоро, изјави Арсовска-Томовска.
Србија како поголем пазар, додаде Томовска, е поинтересна за нив како инвеститори, затоа што инвестицијата во еден таков сложен систем кој треба да се грижи за безбедноста на трансакциите е многу висока. Претпоставувам дека понатаму, во најскора иднина ќе го пренесат практично системот и во Република Македонија.