Европската комисија попладневно ги поздрави ефикасно одржаните избори во Република Македонија, јави дописникот на МИА од Брисел.
Петер Стано, портпарол не еврокомесарот за проширување Штефан Филе, во изјава за МИА го потврди она што го констатираше и набљудувачката мисија на ОБСЕ во државаta.
– Ние ги поздравуваме одржаните избори кои од страна на ОБСЕ се сметаат за ефикасно спроведени и високо конкурентни. Но, ние ги забележавме и недостатоците идентификувани од страна на ОДИХР, како што е замаглувањето на партиското и државното и партизираната медиумска покриеност. Ние очекуваме дека сите препораки на ОДИХР ќе бидат опфатени од страна на властите во догледно време, вели Стано.