Владата на Србија, денеска едногласно одлучи да побара итно продолжување на дијалогот со Приштина со посредство на ЕУ.
Српскиот премиер Ивица Дачиќ, истакна дека владата на Србија не може да ги прифати принципите, кои усно беа пренесени на преговарачкиор тим, бидејќи тие не гарантираат целосна безбедност, опстанок и заштита на човековите права на Србите во Косово.
„Договорот заснован на понудените принципи не би довел до конечно и одржливо решение и надминување на сегашната состојба на Косово и Метохија. Со досегашното учество во дијалогот и подготвеноста на компромис, Владата на Србија покажа искрена решеност за да се постигне целосен договор“, изјави Дачиќ.