Универзитетско радио Студент ФМ 92.9 со отворен повик бара водители, новинари и музички соработници. Тие треба да бидат креативни, комуникативни и мотивирани студенти на УКИМ кои сакаат да придонесат за програмата на Студент ФМ 92,9 – радиото на Универзитетот „Св. Кирил и Методиј“ во Скопје.
– Потребно е основни познавања од MS Office, пристојно познавање на македонскиот јазик и правопис, како и желба за активно вклучување во програмата и дружење. Студент ФМ 92.9 – Универзитетско радио ви овозможува да стекнете вештини на правоговор, однос пред микрофон, техники за дишење и читање, пишување вест, сценарио за емисија, снимање интервјуа, дебатни и образовни емисии, тематски прилози, аудиомонтажа, интеракција со соговорници, гости и слушатели. Редакција е отворена за сите љубопитници кои имаат афинитети кон радиото како медиум, наведено е во повикот на Студент ФМ.
Заинтересираните треба да пратат биографија и мотивациско писмо на имејл: [email protected].