Традиционалниот Ден на македонската поезија во Шведска, кој секоја година се организира под покровителство на Македонскиот сојуз, денеска ќе се одржи од 14 часот во Градскиот музеј во Гетеборг.
На годинашната манифестација од Македонија ќе учествуваат истакнатите писатели – поетот Славе Ѓорго Димоски, кој е и актуелен претседател на Управниот одбор на Струшките вечери на поезијата, и проф. д-р Венко Андоновски, литературен теоретичар и критичар, прозаист и колумнист.
Петанесетина автори ќе учествуваат на поетското читање, на кое ќе бидат промовирани и неколку нови стихозбирки од македонски поети кои живеат во Шведска.