Економијата на Европска Унија најверојатно годинава ќе се намали на еден процент поради пандемијата со новиот коронавирус, објави весникот „Њу Јуроп“, повикувајќи се на извештај на Европска комисија.
Се проценува дека кризата со Ковид-19 ќе има големо погубно влијание врз економијата на ЕУ и еврозоната. Се очекува да се намали и растот на реалниот бруто домашен производ во 2020 година за 2,5 проценти во споредба со ситуацијата пред пандемијата, се посочува во извештајот
– Ако се има предвид дека прогнозираниот раст на реалниот БДП во ЕУ во 2020 годинабеше 1,4 проценти, тоа би значело дека ќе падне околу минус еден од БДП, што укажува дека нема да има целосна обнова во 2021 година, посочува „Њу Јуроп“.
Во понеделникот беше забележан драстичен пад на акциите на светските берзи откако банките не успеаја да го поттикнат економскиот раст и да го намалат стравот на инвеститорите. Индексите на европските фондови забележаа пад за 10 отсто.