Реакциите на граѓаните по објавувањето на коалицијата Бранко – Љубчо се гледаат секојдневно од различни страни. Многумина кои до скоро останаа приврзаници на Георгиевски деновиве зборуваат дека дури сега разбираат што се случуваше на Панорама, во Холидеј ин и за време на расколот во ВМРО-ДПМНЕ во 2003 година, изјави денеска премиерот Никола Груевски.
„Некои гледам дека работите од уште поназад ги толкуваат заради некои нејасни чекори што ги правеше ВМРО-ДОМНЕ во 90-тите години, но јас не би се задржал на тоа. Ќе оставиме граѓаните да го толкуваат тоа, сосема е јасна ситуацијата и нема што многу да се додава“, подвлече Груевски.