Амбасадорот на Италија во Република Македонија, Фабио Кристијани денеска оствари средба со ректорот на универзитетот „Гоце Делчев“(УГД)-Штип, Саша Митрев и ја посети кадерата за италијански јазик на Филолошкиот факултет.
Според амбасадорот Кристијани на Филолошкиот факултет каде што има катедра за италијански јазик од страна на студентите од регионот има голем интерес за изучување на италијанскиот јазик. Во таа насока, подвлече, сакаме да започнеме една длабока саробатка со универзитетот „Гоце Делчев“.
Интересот за италијанскиот во овој регион е не само заради миграцијата на луѓето од овој регион во Италија, туку и заради тоа што италијанскиот јазик дава и културна врска меѓу двата народа, вели Кристијани.
Ректорот на универзитетот „Гоце Делчев“-Штип, посочи дека воспоставувањето на врските и средбите со италијанскиот амбасадор одат и во прилог на веќе воспоставените соработки за размена на студенти и на професори преку Еразмус програмата.
– Потпишавме договори за соработка со два универзитети од Италија, со што нашите студенти и професори ќе заминат таму, а е финансиран преку Европската унија, рече Митрев.
Амабасадорот на Италија, Кристијани и ректорот на УГД, Митрев најавија дека во текот на оваа година ќе се одржи и Недела на италијанскиот филм.