Градоначалникот на Град Скопје Коце Трајановски и директорот на ЈСП Скопје Мишо Николов денеска ја промовираа новата автобуска линија 5А што ќе сообраќа од населбата Дексион во општина Ѓорче Петров до Клиничкиот Центар.
– Новата автобуска линија 5А се воведува на директно барање на жителите на Дексион и Ѓорче Петров, кои побараа уште една автобуска линија што ќе ја поврзе оваа општина со Клиничкиот центар, рече Трајановски.
Тој упати благодарност до Владата на Република Македонија за помошта за обновување на возниот парк на ЈСП Скопје без која, како што рече, немаше да бидеме во можност да ги воведеме овие нови линии.
Претходно, пред околу две години, ЈСП Скопје ја воведе и автобуската линија 22А.