Лидерот на Демократската партија на Србија, Воислав Коштуница изјави дека е важно тоа што Србија го отфрли ултиматумот на Европската унија, да биде соучесник во создавањето на независно Косово и порача дека тоа е значаен чекор за воспоставување национално самопочитување и достоинство.
-Прв пат по 2008 година ЕУ слушна дека Србија може да каже не на понижувачки понуди. Затоа ова е значаен чекор за воспоставување на самопочитување и достоинство – изјави Коштуница.
Тој оцени дека, иако Србија беше изложена на голем медиумски притисок дека работата е завршена и дека Србија ќе прифати да ја уништи сопствената државност на Косово, но излезе дека Косово има поголемо значање, отколку што претпоставиле официјалните лица на ЕУ.
-Во секој случај за иднината и опстојувањето на Србија има големо значење фактот дали Запад се обидува да го земе Косово или пак Србија срамно го предаде – изјави Коштуница.
Елена Георгиевска