„Анегдоти“ – Згоди и незгоди на македонските писатели за деца е новата книга на Наум Попески, македонски истакнат писател за деца.
Книгата содржи разни згоди и незгоди на македонските писатели за деца при нивните гостувања во основните училишта, средбите со децата, како и меѓусебните разговори и досетки на самите писатели. Тука ќе ги сретнеме имињата на Ванчо Николески, Васил Куновски, Цане Андреевски, Киро Донев, Томе Арсовски, Наум Попески и уште многу други.
Ова е прва книга од ваков вид кај нас и 14-та на писателот Попески.
Авторот е член на Друштвото на писателите на Македонија и чест гостин на сите фестивали за деца во целиот регион на поранешните југословенските простори.
Книгата е финансиски помогната од Министерството за култура на Република Македонија.