Како реакција на денешната изјава на Костадин Костадинов, партијата ВМРО-ДПМНЕ излезе со соопштение во јавноста.
„Кога веќе Костадинов отиде во обвинителство покрај целосните изнесени невистини за Панче Тошковски да одговори дали ја праша Рускоска: Зошто обвинителство молчи за криминалот на Зоран Заев?, Зошто нема предмет за признанието на Заев дека нелегално ја финансирал 1ТВ и дали знаел за рекетот со старечки домови на Бојан Јовановски, зошто Рускоска ја сопре истрагата за поткуп на гласачи во Струмица со што на Заев му подари уште една амнестија, зошто Рускоска се уште молчи и не покренува истрага за диктирањето на Заев на пресуди и одлуки на Врховниот суд?“, прашуваат од партијата.
Соопштението на ВМРО-ДПМНЕ произлезе како реакција на изјавата дадена од портпаролот и пратеник на СДСМ, Костадин Костадинов, кој во јавноста го обвини лидерот на опозициската партија, Мицковски и неговите блиски соработници за заработка на голема сума на пари во периодот кога актуелниот лидер на ВМРО-ДПМНЕ раководел со ЕЛЕМ.
Костадинов во изјавата го обвини Христијан Мицковски и неговиот соработник Панче Тошковски дека заедно од фирмата земале близу 170,000 евра.
„Сега е јасна причината зошто толку гласно и Мицкоски и Тошкоски се противеа и на секој начин се обидуваа да го опструираат законот за ЈО. Но, уверени сме дека по донесувањето на законот за ЈО, правосудните органи, како и обвинителството се растеретени од било какви политички притисоци и се слободни да одлучуваат“, додаде Костадинов.