Поранешниот италијански премиер Силвио Берлускони изјави денеска дека е подготвен да ја поддржи владата со левоценстристите на Пјер Луиџи Берсани, но ја отфрли идејата за влада на технократи.
Берлускони по консултациите со претседателот Џорџо Наполитано изрази уверување дека постојат можности за постигнување спогодба со Берсани во однос на пакетот мерки, кои ќе и помогнат на Италија да се справи со економската криза.
Сепак тој потенцира дека владата треба да биде составена од политички партии, поради, како што рече, трагичното искуство со кабинетот на Марио Монти.