Кошаркарите на МЗТ Скопје со триумф го заокружија дебитантскиот настап во Јадранската лига. Во последното коло од регионалното натпреварување во Ново Место совладана е Крка со 80:67.
И на овој натпревар доминантен беше тандемот Тодор Гечевски – Ѓорѓи Чековски кои вкупно постигнаа 46 поени. Чековски забележа 26 поени додека Гечевски беше стрелец на 20.
Во составот на Крка најефикасен со 16 поени беше Јаков Владовиќ.
За жал нашиот шампион не успеа да на крајот од сезоната да го освои шестото место бидјеќи во последниот дуел Цедевита како гостин го совлада Широки со 77:75.