Стотици граѓани на Темишвар излегоа низ централните градски улици со свеќи и знамиња на Романија, во знак на сеќавање на почетокот на бунтот против режимот на романскиот диктатор Николае Чаушеску пред 30 години.
Граѓаните се собраа синоќа навечер во четвртиот по големина романски град, каде на 15 декември 1989 година жителите протестираа против протерувањето на пасторот Лас Токеш, критичар на Николае Чаушеску од црквата, јавија локалните медиуми.
Два дена по почетокот на митинзите за поддршка на пастор Токеш, Чаушеску и нареди на полицијата да пука во луѓе, и тогаш беа убиени околу 60, а повеќе од 2.000 беа ранети.
Демонстрантите пристигнаа во Букурешт на 21 декември 1989 година, а следниот ден Чаушеску и неговата сопруга Елена се обидоа да избегаат со хеликоптер, но беа уапсени, осудени по кратка постапка и егзекутирани на 25 декември.