Бојан Јовановски-Боки 13, му поставува прашања на сведокот Орце Камчев за случајот „Рекет“. Јовановски го персира, додека Камчев му се обраќа на „ти“.
Паѓаат и лични навреди.
Јовановски го праша што правел тој во неговиот дом меѓу 15 и 20 март, а Камчев рече дека бил таму зашто го викнале за одредена работа што тој ја одбил. На средбата биле присутни Зоран Милески Кичеец и министерот за здравство, Венко Филипче, потврди Камчев.
Јовановски во прашањата алудира на тоа дека Камчев му наредувал на Кичеец да биде во постојан контакт со него и дека го држел во заблуда за заеднички бизниси.
Судијката постојано го опоменува Јовановски дека поставува наведувачки прашања.