ВМРО-ДПМНЕ уверува дека после 10 јануари нема започнато постапки за вработување, а доколку има тие се во симболичен број и ќе стори се таквите да бидат поништени, се вели во писмената партиска реакција на денешната прес-конференција на потпретседателот на СДСМ Гордан Георгиев во која тој обвини за злоупотреба на буџетски средства во предизборната кампања и за предизборни вработувања.
– Секоја постапка од страна на државните органи за која било постапено до 10 јануари, има согласност од надлежните државни органи, вклучително и од Државната комисија за спречување на корупција, се вели во реакцијата.
СДСМ, како што е наведено, калкулира со лажни измислени бројки, со цел да создаде впечаток дека изборниот резултат не зависи од граѓаните, туку од нешто друго.
– СДСМ нема кредибилитет да зборува затоа што токму денес нивниот кандидат во Охрид се пофали дека има 1.500 вработувања на партиски кадри во општината и во јавните претријатија. Партијата ќе треба да одговори и околу начинот на финансирање на нивната кампања, за кој, иако надлежните органи им посочија дека не е регулирано со закон, тие и овие избори се финансираат со кредит од Комерцијална Банка, стои во реaкцијата на ВМРО-ДПМНЕ.