„Одам со крената глава, и можам секого да го погледнам во очи…“, ова беа зборовите на ексшефицата на СЈО, Катица Јанева која пред судот неколку минути го читаше подготвеното.
Јанева рече дека Вилма Русковска и’ инструирала обвинение и првенствено говореше за работата на СЈО.
„Горда сум на формирањето на СЈО, на тимот кој го предводев четири години, на сите обвинители, истражители… Ја имав честа да формирам тим на обвинители и истражители“, рече Јанева.
„Секојпат сум била општествено одговорна“, кажа обвинителката и им порача на двете судијки и поротничките да судат без предрасуди и да не се плашат од „тресењето гаќи“ на Русковска.
Ексшефицата на СЈО рече дека со прифаќањето на работата во СЈО, се изложила себе си и семејството на голем ризик, но не жали за тоа.
Јанева рече дека ги плаќа и двајцата адвокати и дека инсистира и двајцата да бидат на рочиштата откако закажувајќи ги следните судења, стана збор дали мора и двајцата да бидат присутни на едно од закажаните рочишта.
Следното судење за Јанева и Јовановски е закажано в петок на 6 декември кога ќе треба да сведочи Орце Камчев.