Царинските службеници од царинската испостава Железничка станица Гевгелија, открија 31 илегалец во меѓународен товарен воз.
Илегалците се откриени синоќа на железничката станица Гевгелија, при контрола на товарен воз што сообраќал на релација Грција – Австрија. Дваесет од нив биле пронајдени во внатрешноста на четири контејнери со церада, а 11 во надворешниот дел на два вагони, легнати на носачите под натоварените контејнери.
Според нивните изјави, илегалците биле државјани на Египет, Мали, Сирија, Авганистан и Пакистан, а намера им била да стигнат во внатрешноста на Европската унија.