На јапонската планина Фуџи е пронајдено тело на планинар за кого се претпоставува дека настрадал додека во живо, преку социјалните мрежи го пренесувал своето искачување на врвот.
Се сомнева дека се лизнал и паднал. Полицијата започнала голема потрага, надевајќи се дека ќе го пронајде жив, но на висина од 2.700 метри нашле тело на маж.
На снимката може да се слушне како планинарот вели дека прстите му се смрзнуваат од ладно. Во моментот кога рекол дека патот кон врвот е многу лизгав и е прекриен со снег, одеднаш почнал да паѓа. Тогаш снимката се прекинува.
Искачувањето на највисоката планина во Јапонија е дозволено од јули до 10. септември.