Градоначалникот на Чаир, Изет Меџити, го става Кичево во мапата на етничка Албанија, пишува Курир, објавувајќи ја снимката што ја објавила телевизијата Канал5.
Во снимката се слуша пораката на Меџити до иселениците кои ги повикува да дојдат на 24-ти март и да обезбедат победа во Кичево и сеалбанско поврзување од Липково до Тирана.
– На 24-ти март ви кажувам со огромна искреност и да победиме во сите општини, ние нема да имаме лице, нема да имам смисла победата во Чаир, Тетово, Струга, ако не оствариме победа во Кичево, за Кичево да биде дел од теничка Албанија – порачува актуелниот градоначалник на Чаир.
И кандидатот за градоначалник на Кичево од ДУИ, Фатмир Дехари, во својата предизборна кампања, како адут во битката за гласови ги изнесе и своите ставови за Голема Албанија.
Тој на 17-ти февруари пред албанската дијаспора во Чикаго, во својот говор истакна дека кога некој ќе тргне од Тирана, па преку Струга, Кичево, Тетово, Гостивар, скопски Чаир па сè до Куманово, ќе биде пречекан од градоначалник Албанец, а тоа, наведува тој, е сонот на секој Албанец, тоа е една Албанија.