Јагнула Куновска, на денешниот мини митинг во населбата Карпош 2, ја претстави својата програма.
Таа им се извини на сите љубители на фудбалот кои поради овој митинг ќе пропуштат дел од натпреварот Барселона – Милан, но потоа ги повика и заедно да гледаат.
Не ветувам градежен бум, но ветувам дека чекор по чекор, проект по проект, ќе започнеме со реализирање и решавање на проблемите во Карпош. Конкретно во Карпош 2, заедно со Министерството за култура ќе изградиме нов Драмски театар преку кој повторно ќе се шири културата во Карпош. Исто така, предвидовме и изградба на нова мини спортска сала во ООУ Вера Циривири-Трена. Во ова основно училиште ќе ги реконструираме и надворешните ракометно и кошаркарско игралиште – рече Куновска.