Општина Ѓорче Петров не смее да биде провинција, туку составен дел на Скопје. Ни требаат тротоари, градники реновирани училишта, порачаа од „Сојузот на иднината“ на митингот вечерва во Ѓорче Петров на кој ја промовираа советничката листа и кандидатот за градоначалник Александар Наумоски.
Наумовски потенцира дека на Ѓорче му треба враќање на урбаниот живот, на околните населби, изградба на патишта, канализација и инфраструктура.
На сегашната општинска власт и порача да се подготви за заминување и тоа во прв круг, а на досегашниот градоначалник и кандидат за нов мандат Сокол Митревски му порача дека му е време за пензија.
Пред присутните лидерот на СДСМ Бранко Црвенковски нагласи дека брзо ќе направат пресврт и ќе ја вратат, подвлече, земјата на вистинскиот колосек.
Според „Сојузот на иднината“ граѓаните сега треба да и кажат „не“ на оваа власт.