Саудиска Арабија одобри САД да испратат дополнителни трупи и опрема во кралството по минатомесечниот напад врз саудиските нафтени објекти.
САД претходно објавија дека ќе испратат уште 3.000 војници во Саудиска Арабија, а американскиот претседател Доналд Трамп изјави дека Саудијците му рекле дека ќе платат за ангажманот на американските сили.
Не се прецизира на кој род припаѓаат војниците кои ќе ги испрати САД, но локалните медиуми известуваат дека саудискиот крал и престолонаследник донеле одлука да го одобрат пристигнувањето на дополнителни американски сили во контекст на „историските односи и одличната соработка“ меѓу двете држави.