Американскиот претседател Доналд Трамп изјави дека ги сака Курдите, но исто така истакна дека Курдите не им помогнале на Американците во Нормандија.
На прашањето за повлекувањето на САД од Сирија каде Курдите беа оставени на милост и немилост на турската офанзива и за можноста Американците да формираат сојуз со Курдите, американскиот претседател одговори дека Курдите „не им помогнале“ на САД за време на Втората светска војна и истоварувањето на Нормандија.
– Курдите се борат за својата земја. Треба да го разберете тоа. Тие не ни помогнаа за време на Втората светска војна. На пример, не ни помогнаа во Нормандија…Потрошивме многу пари за да им помогнеме на Курдите, без разлика дали за муниција, оружје или парична помош. Тоа значи дека ги сакаме Курдите, заклучи Трамп.