Земјотрес со интензитет од 5,3 степени го погоди денеска градот Атус во западниот дел на Кина, во автономниот регион Сингјанг, населен со ујгурско малцинство, соопшти Кинескиот центар за земјотреси.
Епицентарот на потресот се наоѓал на длабочина од околу осум километри под површината на Земјата. Засега нема информации за евентуални жртви и причинета материјална штета.
Заменик-градоначалникот на Атус, Ванг Феи изјави дека земјотресот бил почувствуван и во градот, а спасувачките екипи веднаш заминале во гратчето Каражол, кое се наоѓа најблиску до епицентарот на потресот.