Попладнево во Обвинителството за гонење организиран криминал и корупција му се слоши на осомничениот Бојан Јовановски. Тој во истрагата „Рекет“ требаше да даде исказ кај обвинителката Вилма Русковска, но поради влошената здравствена состојба, го изнесоа од гаражата на Обвинителството и го внесоа во возило на брзата помош.
Медицинската екипа стигна во 12.30 часот, односно дваесетина минути откако Јовановски го внесоа во Обвинителството, a зградата ја напуштија 40-ина минути подоцна заедно со комбето од затворот.
Јовановски попладнево требаше да даде исказ како осомничен во истрагата “Рекет”, но тоа не се случило поради неговата влоѓена здравствена состојба.
Тој во изминатите две недели ги разгледуваше доказите – снимките, вештачењата на мобилните телефони, како и исказите на сведоците, со кои Обвинителството го сомничи Јовановски за перење пари и примање награда за противзаконско влијание.
Освен Јовановски, во случајот „Рекет“ се осомничени и Зоран Милевски – Кичеец и поранешната специјална обвинителка Катица Јанева.