Првакот во НБА лигата, тимот на Мајами ноќеска се радуваше на нова победа откако пред своите навивачи ја совладаа Индијана, а Лос Анџелес Лејкерс со триумфот на Чикаго влез во „плеј оф зоната“.
Мајами конечно оваа сезона по двата пораза ја победи Индијана што за нив ова беше 18.та рекордна победа во низа во историјата на клубот и со тоа ја надмина серијата на Лос Анџелес Клиперс од 17 победи постигнати оваа сезона.
Најефикасен на дуелот беше Марио Чалмерс со 26 поени.
Мајами во моментов има и најдобар биланс на лигата 47 – 14. Следен ривал на Мајами ќе биде Атланта на домашен терен.
Победа оствари и Лос Анџелес Лејкерс над Чиаго, со што оваа екипа успеа да влезе во зоната на екипите кои имаат пласман во плеј офот. Прв играч на натпреварот беше Двајт Хауард со 21 скок и 16 поени.
Резултати на ноќешните НБА натпревари: Оклахома Сити – Бостон 91:79, Лос Анџелес Лејкерс – Чикаго 90:81, Торонто – Кливленд 100:96, Орландо – Филаделфија 99:91, Мајами – Индијана 105:91, Њу Орлеанс – Портланд 98:96, Минесота – Далас 77:100, Сакраменто – Милвоки113:115 и Лос Анџелес Клиперс -Детроит 129:97.
Двојки за вечерва: Филаделфија – Бруклин, Сан Антонио – Оклахома Сити, Јута – Детроит, Феникс – Денвер и Голден Стејт – Њујорк.
Пласман Источна конференција: Мајами 47-14 (победи-порази), Њујорк 38-22, Индијана 39-24, Бруклин 37-26, Чикаго 35-28, Бостон 34-28, Атланта 34-28, Милвоки 32-29,…
Пласман Западна конференција: Сан Антонио 48-15, Оклахома Сити 47-16, Лос Анџелес Клиперс 45-20, Мемфис 42-19, Денвер 42-22, Голден Стејт 35-29, Хјустон 34-30, Лос Анџелес Лејкерс 33-31, Јута 32-31,…