Откако Северна Кореја денеска лансираше најмалку една ракета од својот источен брег, САД го повикаа Пјонгјанг да се „воздржи од провокации“ и да остане посветен на нуклеарните разговори.
– Ја повикуваме Северна Кореја да се воздржи од провокации и да се придржува кон своите обврски во согласност со резолуциите на Советот за безбедност на ОН, како и да остане вклучена во преговорите со цел да се обезбеди мир и стабилност на Корејскиот Полуостров и да се спроведе нејзината денуклеаризација“, изјави денеска во Рим портпаролот на Стејт департмент, каде што во моментов се наоѓа американски државен секретар Мајк Помпео.
Јужна Кореја соопшти дека ракетата најверојатно ќе биде лансирана од подморница.
Повикувајќи се на Генералштабот на армијата на Јужна Кореја, агенцијата Јонхап информира дека Северна Кореја лансирала проектил од Вонсан, во провинцијата Кангвон, источно кон морето.