Опозицискиот Сојуз за иднината во рамки на законски предвидениот рок вчера поднел кандидатури за градоначалници за престојните локални избори за 67 општини и кандидатски листи за советници во Градот Скопје и во 73 општини, соопшти денеска СДСМ.
За Струга и за Кичево, како што соопштуваат, Сојузот за иднината поднел заеднички листи со коалицијата предводена од ВМРО-ДПМНЕ.
Имајќи ја предвид специфичнoста на Струга и Кичево, и во духот на внатрепартиската демократија и почитување на барањата на нашите членови и подржувачи од овие општини, општинските организации на СДСМ одлучија во овие две општини да се поднесат заеднички листи на Сојузот за иднината со коалицијата предводена од ВМРО ДПМНЕ, се вели во соопштението.