Вкупниот даночен дол на стопанството и граѓаните во Србија на крајот од 2012 година бил околу 1.025 милијарди динари (девет милијарди евра), од кои 356,9 милијарди е главница и 667,9 милијарди се камати, изјави вршителот на должност директор на Даночната управа на Србија, Иван Симиќ.
– Од тој износ ненаплативи се 573,6 милијарди динари долг бидејќи должниците се избришани од регистерот или се во стечај, ликвидација, постапка за приватизација, а во некои случаи се работи и за фантомски фирми или перење пари, изјави Симиќ за белградски медиуми.
Тој најави принудна наплата од април и оти Даночната управа ќе објави список на најголеми даночни должници во Србија.