Поранешниот аргентински претседател Карлос Менем кој ја предводеше државата од 1989 година до 1999 година, беше осуден за шверц на оружје, во Еквадор и Хрватска, објави Федерален суд во Буенос Аирес.
Менем кој сега е сенатор од владејачката перонистичка партија, има пратенички имунитет до крајот на маднатот во 2017 година. Заради влошена здравствена состојба не присуствуваше во судот при објавувањето на пресудата.
Друг суд треба да определи карактер на казната. Тој беше обвинет дека наредил нелегално да бидат испратени оружја од околу 76 милиони евра во периодот 1991-1995 година за Хрватска и Еквадор каде во тие години се војувало. Со тоа Аргентина нарушила ембарго на ОН.