Партијата за движење на Турците на лидерот Аднан Ќахил, која е дел од коалицијата „Сојуз за иднината“ предводена од СДСМ ќе нема свои кандидати на локалните избори на 24 март.
Партијата вечерва соопшти дека ги одбила сите „нереални понуди од коалицијата“ зашто од нивните редови, како што наведува, биле понудени и предвидени кандидати „далеку од очекуваните и не во сооднос со фактите на терен“.
Заради чесно претставување на турската етничка заедница и за да не се нанесе штета на државните интереси насочени кон ЕУ и НАТО, Партијата за движење на Турците и натаму ќе биде дел од коалицијата за иднината. Ние не сме партија која се занимава со дневно-политички калкулации, туку нашите план и програми се долгорочни, информира партијата на Ќахил.