Претседателот на СДСМ Бранко Црвенковски вечерва на митингот на „Сојузот на иднината“ во Гостивар ги повика граѓаните на оваа општина да излезат на избори. Им порача на политичките опоненти дека ќе има предвремени избори.
Нека се инаетaт, и по којзнае кој пат излажале. За нив бегање од тешката народна казна нема да има. Не го чекајте септември, сега е шансата да извојуваме двојна победа, бидејќи вашиот глас на 24 март ќе се брои два пати. Во еден ден да извојуваме две победи, рече Црвенковски во обраќањето во Центарот за култура АСНОМ во Гостивар.
Од говорницата Црвенковски ги повика Албанците во Гостивар да се придружат кон „Сојузот за иднината“ и како што рече, во битката по која ќе се создадат подбори услови за живот во заедничка Македонија.