Издавачкиот центар „Три“ ќе го пушти во продажба „Играта на филозофот“ од австралискиот автор со македонско потекло Стив Јовановски.
Ова е втор роман на Стив Јовановски, напишан во Мелбурн, а инспириран од патување во Франција.
– Стив Јовановски е креативен автор со голема имагинација, кој континуирано патува и истражува, и кој, иако млад, веќе искусно твори, создавајќи романи кои предизвикуваат голем интерес кај читателите, информира „Три“.
Стив Јовановски е роден во Австралија. На едногодишна возраст неговите родители се враќаат во Македонија, а по десет години повторно се преселиле во Мелбурн. Досега има напишано четири романи. Работи како специјалист за информациски технологии, опслужувајќи речиси дванаесет илјади вработени.
Книгата може да се купи во книжарниците на „Три“ или преку интернет книжарницата www.kniga.com.mk.